Артём Здунов важодемань содавтома марто сась Краснослободскоень ёнксов

Артём Здунов важодемань содавтома марто сась Краснослободскоень ёнксов

Мордовиянь Прявтонь тевтнень топавтыцясь Артём Здунов эйзюрковонь 4-це чистэ важодемань содавтома марто сась Краснослободскоень ёнксов. Республикань руководителесь моли велень хозяйствань ды промышленной зярыя предприятиятнес, истя жо тееви содавиксэкс райононь социальной инфраструктуранть марто, вансы, кода Бобылевские Выселки велесэнть моли спортонь комплексэнь строямось.

Важодемань программанть Артём Здунов ушодызе «Новокарьгинский» СХПК-нть. Тесэ важодить 100 ламо ломанть.

Мордовиянь Прявтонь тевтнень топавтыцясь ваннызе ракшань ферманть, кортась важодицятнень марто ды кевкстнизе предприятиянь руководителенть Дмитрий Харитоновонь тундонь-паксянь важодематнень ютавтомадост.

«Трактортнэнь ды велень хозяйствань машинатнень парконть минь свалшкане одкстомтоманок, - ёвтнесь «Новокарьгинский» СХПК-нь прявтось. – Мелят производстванть виевгавтомс путозь инвестицият 28 млн целковоень покшолмасо, истя жо ушодозь телятникень строямось».

Республикань руководителентень невтизь, кода предприятиясь вети зооотехникень тевдееманть – тесэ лездыть информационной технологиятне: компьютерэнь программась вети ракшатнень учётонть. 28 иесэ зоотехникесь Сергей Перякин невтизе, кода те важоди.

Артём Алексеевич явсь башка мель специалистэнь важодема тарканть лангс: «Тельня тесэ улезэ лембе, а кизна аволь пси, важодемань условиятне улест вадрят!»

Мордовия Республикань Прявтонть пресс-службась