Артём Здунов ёвтась сюкпря Куйбышевень чугункань кинь коллективентень вейсэнь важодеманть кисэ

Артём Здунов ёвтась сюкпря Куйбышевень чугункань кинь коллективентень вейсэнь важодеманть кисэ

Эйзюрковонь 3-це чистэ Мордовиянь Прявтонь тевтнень топавтыцясь видеосвязенть вельде ёвтась поздоровт Куйбышевень чугункань кинь коллективентень «РЖД» ОАО-нь пелькстамотнесэ изнямонть кувалма. Чугункань кинь важодицятненень поздоровт ёвтасть сеть регионтнэнь прявттнэ, конат совить Куйбышевень чугункань кинь ответственностень зонантень (Мордовиядо башка, те Пензань ды Самарань областне, Башкортастан ды Татарстан республикатне).

Мордовиянь Прявтонь тевтнень топавтыцясь тешкстызе, региононть ды КбшЖД-нть вейсэнь важодемась ладязь ламо ёнкстнэнь коряс. «Структурасонть важодить малав 3,5 тёжат ломанть, ды прявтось, зарплатась седе покш республикасонть среднеенть коряс, - мерсь Артём Алексеевич. – Мелят тешкстазь вейсладямо инновационной тевдееманть коряс. Республикань зярыя предприятиятне пачтить продукцияст РЖД-нть туртов. Мелят региононь чугункань кинь инфраструктуранть виевгавтомс путозь инвестицияь 1,7 млрд целковоень покшолмасо».

Республикань руководителесь ёвтась сюкпря Куйбышевень чугункань кинь руководствантень ды коллективентень лезэв вейсэнь важодеманть кисэ ды ёвтась кемема, те тевдеемась ули поладозь.

Мордовия Республикань Прявтонть пресс-службась