Краснослободскойсэ эень арена ды бассейна марто спорткомплексэсь строяви зярыя районтнэнь эрицятнень туртов

Краснослободскойсэ эень арена ды бассейна марто спорткомплексэсь строяви зярыя районтнэнь эрицятнень туртов

Мордовиянь Прявтонь тевтнень топавтыцясь Артём Здунов Краснослободской ёнкссо ваннызе Бобылёвские Выселки велесэнть спортонь комплексэнь строямонть. Те республикасонть спортонь вейкине объект, косо вейке латонть ало карми эень арена, эйкакштнень ды покштнень туртов бассейнат, тренажеронь ды фитнес-залт. Спортонь ламо функциянь сооружениясь стявтови зярыя районтнэнь туртов.

Спорткомплексэсь строяви «Комплексное развитие сельских территорий на 2020-2025 годы» Федеральной программанть лувсо. Спортонь сооружениядонть башка, проектсэнть ули 134 модань участкас эрямо таркань строямонь туртов площадканть анокстамось. Сонсь велесь ашти Краснослободскоенть вакссо, те уш вейкине агломерация.

Райононь прявтось Алексей Буйнов пачтясь республикань руководителентень, модань участкатнес ветязь ведь, газ, витеви кевкстемась электричествань сеттнень коряс, тедеде прядови кинь теемась.

Объектэнть арсеви максомс тедеде.

Мордовия Республикань Прявтонть пресс-службась