Мордовия Республикань Прявтонь тевтнень нурька шкас топавтыцясь Саранскойсэ ваннынзе государственной ды коммерческой аптекатнень

Мордовия Республикань Прявтонь тевтнень нурька шкас топавтыцясь Саранскойсэ ваннынзе государственной ды коммерческой аптекатнень

Понедельникстэ, сундерьковонь 30-це чистэ, Мордовия Республикань Прявтонь тевтнень нурька шкас топавтыцясь Артём Здунов якась ошонь зярыя аптекатнес, эсензэ сельмсэнзэ ваннызе: улить-арасть лекарстват ковидэнь лецямонть туртов.

Коммерческой вейке аптекань важодицянть марто кортамось невтизе, частниктне путозь тевтнень эзизь топавто. Арасть противовирусной лекарстват, антибиотикть, антикоагулянт, гормональной препаратт, конат эрявить коронавирусонь лецямонть туртов. «Мезе тынь кортатадо рамсицятненень лекарстватнень пачтямодост?» - кевкстсь региононь руководителесь. «Мезеяк, минек арась истямо кулянок», - истямо ульнесь каршо валось.

«Фармация» МР-нь ГУП-нь вейке аптекасонть, косо истя жо ульнесь Артём Здунов, тевтне овсе лият, те содавсь рамсицятнень ламочист коряс. Коронавирусонь инфекциянь лецямонть туртов малав весе лекарстватне улить, истя жо конат максовить рецептэнь коряс.

«Государственной аптекатнесэ муинек весе эрявиксэнть, коммерческойтнесэ – малав мезеяк арась, питнетнеяк кавксть-колмоксть седе покшт, - мерсь Артём Здунов. – Частной аптекатненень истя жо эряви кандомс социальной ответственность. Минь аволь весть кортынек прявттнэнень, неень шкане улест прпепараттнэ, кадык аволь весе, ансяк сехте эрявикстнэ. Неян, стакачись ванстови, карматанок эрьванть марто важодеме башка ды тееме выводт!»

Мордовия Республикань Прявтонть пресс-службась