Мордовия Республикань Прявтонть тевтнень топавтыцясь: «Каст шумбракс, превеекс ды ульть лездыцякс тетянть-аванть туртов!»

Мордовия Республикань Прявтонть тевтнень топавтыцясь: «Каст шумбракс, превеекс ды ульть лездыцякс тетянть-аванть туртов!»

Мордовиянь Прявтонь тевтнень топавтыцясь Артём Здунов эйзюрковонь 4-це чистэ Краснослободской ёнкссо важодемань коряс улемстэ якась велень хозяйствань кавто предприятиятнес: «Куликово» СХПК-нть ды «Мокша» агропромышленной вейсэндявксонтень.

«Куликово» СХПК-нть республикань руководителесь ваннызе ракшань комплексэнть. 2020 иестэнть предприятиясонть потявтозь ловсонь 4 тёжат тоннат, эрьва скалось макссь 7 тёжат килот. Республикань Прявтонь тевтнень топавтыцянтень ёвтнесть, «Комплексное развитие сельских территорий» программанть лувсо СХПК-сь строи важодицянзо туртов эрямо таркат ды максы сынст наймань договоронть коряс. Куликовань велень поселениясонть строязь кавто истят кудот. Артём Алексеевич ваннызе Кирдяшкинтнэнь семиянть туртов кудонть. Виктор ды Ольга кастыть вете эйкакшт, тетясь важоди механизаторокс, авась – скалонь потявтыцякс. Покш тейтерентень 12 иеть, сехте вишкинентень – 11 ковт. Мордовиянь Прявтонь тевтнень топавтыцясь казсь Кирдяшкинтнэнь покш семиянтень казне, кевкстнесь, кода сынь эрить, кортась колмо иесэ Костя марто. «Каст шумбракс, превеекс ды ульть лездыцякс тетянть-аванть туртов!» - мерсь Мордовиянь Прявтонь тевтнень топавтыцясь.

«МОКША» АПО-нть потявтыть ловсо, кастыть сюрот, бобат ды ракшань андомс тикше. Видематнень покшолмась – 12,6 тёжат гектарт. Хозяйствасонть важодить 329 ломанть. Республикань руководителесь ваннызе, кода моли велень хозяйствань сезононтень анокстамось ды кортась «Мокша» АПО-нь прявтонть Александр Муромцев марто тундонь-паксянь тевтнес анокстамодонть.

Мордовия Республикань Прявтонть пресс-службась