Мордовиянь Прявтонь тевтнень топавтыцясь макссь питне Краснослободскойсэ промышленной предприятиятнень вийтненень

Мордовиянь Прявтонь тевтнень топавтыцясь макссь питне Краснослободскойсэ промышленной предприятиятнень вийтненень

Мордовиянь Прявтонь тевтнень топавтыцясь Артём Здунов эйзюрковонь 4-це чистэ якась Краснослободской ёнкссонь промышленной предприятиятнес. Васняяк «Краснослободский радиозавод» ОАО-нь. Предприятиясь теезь эштё 1979 иестэ кода радиоприёмникень ды магнитолань нолдыця. Ней тесэ нолдыть лия продукция, истя жо лембень счетчикть, пси ды кельме ведень счетчикть.

Компаниянь представителесь толковизе, продукциясь микшневи республиканть томбале.

«Эсенек рынканть лангскак эряви нежедемс», - мерсь Артём Здунов.

Заводось истя жо нолды продукция автопромонть туртов, гардинань крючокт, пластмассонь цецят. Предприятиясонть важодить 135 ломанть.

Омбоце предприятиясь - «Завод ПромМетИзделий» ООО-сь. Тевдеемань прявт ёнксось – строямонь кшнинь конструкциятнень нолдамось, истя жо кшнинь шкафт, стеллажт ды мебель.

Республикань руководителесь кортась заводонь прявттнэнь марто предприятиянть загрузкадо ды продукциянь од видтнэнь нолдамодост.

Мордовия Республикань Прявтонть пресс-службась